Definicion des critèris tà planificar e ordenar eth servici d’atencion sanitaria contunhada e urgenta

Eth Servici Catalan dera Salut a era responsabilitat d´elaborar eth Plan director d’urgéncies e atencion continuada, que servirà entà mielhorar es servicis deth hilat d´atencion urgenta.

Ei per aguest motiu que s’a engegat un procés de participacion, qu’a er objectiu de recuélher aportacions e ajudar a enriquir es critèris o pautes qu’an de servir entà planificar e endreçar en territòri eth servici d´atencion urgenta e continuada.

Es critèris s’an agropat en dues categories; a continuacion, en detalham bèri que previsiblament formaràn part deth Plan:

1. Critèris relacionadi damb era accessibilitat ath sistèma: entenem per accessibilitat ‘era qualitat deth servici d’atencion sanitària e deth dispositiu que permet que quinsevolh persona pogue accedir-i en temps oportun entà respóner ath besonh qu’age’. Per açò, er objectiu ei que cada persona recebe era atencion adequada ath besonh reau e en lòc e en temps oportuns. Cau rebrembar qu’inclodís er accés a servicis presenciaus, era atencion dimiciliària e era atencion telefonica. Laguens d´aguest àmbit s’i inclodissen es paramètres següenti:

— Era distància entà recéber eth servici sanitari.

— Eth temps entà recéber eth servici sanitari.

— Era diversitat des dispositius disponibles en territòri (atencion telefonica, centres, servicis d’atencion domiciliària).

— Es caracteristiques geografiques.

— Eth grad d’eficiéncia deth hilat de telecomunicacions disponible.

2. Critèris relacionadi damb es caracteristiques dera poblacion e era demana: aspèctes qu’influissen ena prestacion des servicis relacionadi damb eth patron de poblacion e eth besonh sanitari. I trobam critèris com ara:

— Era estructura d’edat dera poblacion de referéncia.

— Eth nivèu socioeconomic dera poblacion de referéncia.

— Es malauties mès freqüentes en un territòri.

— Era estacionalitat dera poblacion de referéncia: variacions segons era epòca der an.

En aguesti dus grani blòcs —accessibilitat ath servici sanitari e caracteristiques dera poblacion e era demana—, crees que i manque bèth aute critèri o pauta tà definir era planificacion des servicis sanitaris? Poiries dider-mos quini e per que ac crees?